Í Cabo Roig hverfinu í götunni Calle Fuego sem er rétt fyrir neðan Heilsugæsluna er lítil markaður á fimmtudögum. Þar sem má kaupa ferskt grænmeti, ávexti, grillaðan kjúkling og svo auðvitað þetta allt þetta hefbundna dótarí. Þessi markaður er frekar lítill í sniðum.
Í Torrevieja er mjög stór markaður með 560 básum og yfir 10 kaffihúsum. Verður oft mikil mannþröng og gott að vera snemma á ferðinni til að fá stæði. Í Torrevieja er einnig kvöldmarkaður við strandgötuna í miðbænum og er hann opin öll kvöld.
Laugardagsmarkaðurinn í Playa Flamenca er nokkuð stór markaður með 240 básum. Hann er í götunni Calle Nicolas de Bussi. Þarna er allt milli himins og jarðar til sölu og virkilega gaman að rölta um og gera góð kaup.
Sítrónumarkaðurinn er sérstaklega skemmtilegur og í miklu uppáhaldi hjá okkur. Hann er í ca. 20-30 mín. akstursfjarlægð frá hverfinu okkar. Hann er haldin á sítrónuakri og þaðan kemur nafnið. Keyrt er eftir N-332 áleiðis til Alicante, stuttu eftir að komið er framhjá La Mata er beygt út af við stórt hringtorg, í raun sér maður bara hvert umferðin liggur.
Salvador Artesano er risa stór skómarkaður er í Elche þar sem seldir eru skór beint frá framleiðanda. Þarna er gríðarlegt úrval af skóm á börn og fullorðna á mjög góðu verði. Ekki tekur nema ca. 40 mín að keyra þangað frá Cabo Roig svæðinu. Heimasíðan þeirra er www.salvadorartesano.com
Mjög víða hafa sprottið upp kínabúðir sem selja ótrúlegustu hluti á mjög lágu verði. Það er alveg tilvalið að skella sér á einn eða tvo svona kínamarkaði og skoða og gera góð kaup, sumir eru svo stórir að þetta eru bara heilu vöruhúsin af dóti.