Nánari lýsing

Stofa, borðstofa og eldhús

Á fyrstu hæð er falleg stofa með svefnsófa fyrir tvo ásamt borðstofu. Loftkæling er í stofunni.
Út frá stofunni er hægt að ganga beint út á verönd fyrir framan íbúðina.

Gott eldhús er á 1. hæð, bjart og vel búið með stórum ísskáp og uppþvottavél.  Borðbúnaður er fyrir 8 manns. Út frá eldhúsi er hægt að ganga út á verönd með borði, stólum og gasgrilli og þar er einnig þvottavél og aðstaða til að hengja upp þvott, þaðan er síðan gengið út í stóran einkagarð þar sem er frábær aðstaða til að borða úti og slaka á í sólinni.

Svefnherbergin eru tvö með svefnplássi fyrir fjóra

Herbergi nr. 1 er á 2. hæð með hjónarúmi, loftkælingu, viftu, fataskáp, kommóðu og útgengi á litlar svalir með fallegu útsýni.
Herbergi nr. 2 er á 2. hæð með loftkælingu, viftu, hjónarúmi og fataskáp.

Sængur, koddar og rúmföt fylgja og einnig er aukabeddi í húsinu.

Baðherbergin eru tvö

Á 1. hæð er lítið salerni með WC og vaski.
Á 2. hæð er gott baðherbergi með WC, vaski, innréttingu, hárblásara og góðri sturtu.

Baðhandklæði fyrir hvern gest þ.e.a.s. eitt stórt og eitt lítið fylgja hverri leigu en gestir eru þó beðnir að koma með sín eigin handklæði til sólbaða og til að taka með niður á strönd.

Svalir, garður og sameiginleg sundlaug

Á annarri hæð eru svalir út frá svefnherbergi með útsýni til sjávar.  Á þriðju hæð hússins eru þaksvalir með útsýni til sjávar.

Sérgarður fylgir húsinu þar sem um endaraðhús er að ræða, hann er um 100fm og allur flísalagður, gróður er í algjöru lágmarki ef frá er talið sítrónutré.
Útihúsgögn eru á öllum hæðum sem og sólbekkir á veröndinni í garðinum.

Út frá verönd fyrir framan húsið er farið í sameiginlega sundlaugargarðinn, þar er stór sundlaug með barnalaug, sturtur og gott pláss fyrir sólbekki.

Cabo Roig

Cabo Roig

Cabo Roig hverfið er fyrir neðan hraðbrautina og er mjög vinsælt hverfi þar sem allt er til alls, þar er hin vinsæla göngugata sem stundum er kölluð „The Golden Mile“ og þar er alltaf mikið mannlíf og gaman að rölta um. Mikið úrval veitingastaða og ekki má gleyma öllum Kínabúðunum þar sem allt fæst fyrir ekki neitt, síðan er ströndin þarna rétt fyrir neðan og hægt að rölta þangað.
Í hverfinu er matvöruverslunin Consum, heilsugæsla, markaður á fimmtudögum og fjöldin allur af veitingastöðum.

Frábærir golfvellir eru mjög stutt frá, Las Ramblas, Villamartin, Campoamor og Las Colinas svo einhverjir séu nefndir.

https://www.youtube.com/watch?v=QyptMpnPNvM


Nánar..