Nánari lýsing

Stofa, borðstofa og eldhús

Íbúðin er á mjög góðum stað í Playamarina II íbúðarhótelinu í Cabo Roig, stutt er að rölta niður á ströndina og á göngugötuna í hverfinu þar sem er mikið mannlíf á daginn og kvöldin.
Consum matvöruverslunin er í göngufæri og einnig er markaður á fimmtudögum í hverfinu. Við erum einnig með íbúðina við hliðina á þessari til leigu svo tilvalið fyrir 2 fjölskyldur sem eru að ferðast saman.  Einnig fylgir stæði í bílageymslu sem er undir húsinu fyrir gesti.

Komið er inn í opið rými þar sem er falleg stofa með góðum sófa, borðstofa og opið inn í eldhús.  Loftkæling er í stofunni og einnig er ljósleiðara WiFi tenging. Út frá stofunni er hægt að ganga út á svalir og þaðan er síðan gengið uppá einka þaksvalir sem eru yfir allri íbúðinni með fallegu útsýni til sjávar.  Á þaksvölum eru borð, stólar og sólbekkir.
Eldhúsið er vel búið með kaffivél, þvottavél, brauðrist, hraðsuðukatli, ísskáp með frystihólfi og öllum helstu áhöldum til matargerðar. Borðbúnaður er fyrir 6 manns.

Svefnherbergin eru tvö

Hjónaherbergið er með hjónarúmi, loftkælingu og fataskáp.
Gestaherbergið er með 2 einstaklingsrúmum.  Sængur, koddar og rúmföt fylgja.

Baðherbergi

Gott baðherbergi með salerni, vaski, baðkar með góðri sturtuaðstöðu og hárblásara.
Baðhandklæði fyrir hvern gest þ.e.a.s. eitt stórt og eitt lítið fylgja hverri leigu, en gestir eru þó beðnir að koma með sín eigin handklæði til sólbaða og til að taka með niður á strönd.

Svalir, garður og sameiginleg sundlaug

Út frá stofu eru litlar svalir með fallegu útsýni til sjávar, þaðan er síðan gengið uppá 40fm einka þaksvalir yfir íbúðinni með gríðarlega fallegu útsýni yfir allt hverfið og frábærri aðstöðu.
Mjög stór og fallegur sundlaugargarður er í sameign sem gestir hafa aðgang þar, þar má finna góða sundlaug, barnalaug, sturtur og salerni og þar niðri er frábær aðstaða til að sóla sig og slaka á við sundlaugarbakkann.

Hverfið og næsta umhverfi

Frábær verðlaunuð baðströnd í Cabo Roig í 5 – 7 mínútna göngufjarlægð.
Í hverfinu eru heilsugæslustöð, matvöruverslunin Consum og sérvöruverslanir, bakarí, bankar, hárgreiðslustofur svo eitthvað sé talið.
Einnig er mjög skemmtilegur markaður á fimmtudögum í hverfinu.
Nýja verslunarmiðstöðin Zenia Boulevard er í um 5 mínútna akstursfjarlægð. https://www.youtube.com/watch?v=khWHAIQUZnM
Í svipaðri fjarlægð 5 – 7 mínútna akstursfjarlægð eru 4 stórir og góðir golfvellir, Villamartin, Campoamor Las Ramblas og Las Colinas

 

Cabo Roig

Cabo Roig

Cabo Roig hverfið er fyrir neðan hraðbrautina og er mjög vinsælt hverfi þar sem allt er til alls, þar er hin vinsæla göngugata sem stundum er kölluð „The Golden Mile“ og þar er alltaf mikið mannlíf og gaman að rölta um. Mikið úrval veitingastaða og ekki má gleyma öllum Kínabúðunum þar sem allt fæst fyrir ekki neitt, síðan er ströndin þarna rétt fyrir neðan og hægt að rölta þangað.
Í hverfinu er matvöruverslunin Consum, heilsugæsla, markaður á fimmtudögum og fjöldin allur af veitingastöðum.

Frábærir golfvellir eru mjög stutt frá, Las Ramblas, Villamartin, Campoamor og Las Colinas svo einhverjir séu nefndir.

https://www.youtube.com/watch?v=QyptMpnPNvM


Nánar..