Nánari lýsing

Íbúðin er á annari hæð með góðum svölum í glænýjum íbúðarkjarna í Lomas de Cabo Roig hverfinu og er mjög vel búin.  3 fallegir garðar eru inná milli húsana með sundlaugum, heitum potti, leiksvæði fyrir börnin, líkamsræktartækjum og hafa gestir aðgang að þeim öllum. Hverfið er mjög rólegt og gott,  veitingastaðir eru í göngufæri og stutt að skreppa á ströndina, á fimmtudagsmarkaðinn, í La Zenia mallið og niður á göngugötuna í Cabo Roig.  Einnig eru margir golfvellir stutt frá hverfinu eins og Campoamor, Villamartin, Las Colinas og Las Ramblas. Íbúðinni fylgir stæði í bílageymslu.

Eldhús, stofa og borðstofa

Fyrir aftan íbúðina er flísalagðar svalir og þaðan er gengið beint inn í opið rými með fallegri stofu sem einnig er borðstofa og opið er inní eldhúsið.  Í stofunni er góður sófi sem einnig er svefnsófi, snjallsjónvarp með erlendum sjónvarpsstöðvum, WiFi, loftkæling og fallegt borðstofuborð með stólum. Frá stofunni er gengið út á góðar svalir með borði, stólum og flottu útsýni yfir garðinn.
Eldhúsið er bjart og vel búið og þaðan er síðan gengið inní þvottahús/geymslu. Í eldhúsinu er uppþvottavél, örbylgjuofn, kaffivél, brauðrist, hraðsuðuketill og öll helstu áhöld til matargerðar.

Svefnherbergin eru tvö

Íbúðin er með tveimur svefnherbergjum og einnig er svefnsófi í stofunni,  gistirými er því fyrir 4-6 gesti.
Hjónherbergið er með hjónarúmi og góðum fataskápum, innaf hjónaherberginu er rúmgott baðherbergi með sturtuklefa. Frá hjónaherbergi er einnig hægt að ganga út á svalirnar.
Gestaherbergið er með 2 einstaklingsrúmum og góðum fataskápum. Bæði svefnherbergin eru með loftkælingu og nýjum rúmum.
Sængur eru í íbúðinni sem gott er að nota á vorin og haustin.

Baðherbergin eru tvö

Tvö fallegt baðherbergi eru í íbúðinni, annað er innaf hjónaherbergi. Þau eru bæði rúmgóð með salerni, vaski, sturtu, hárblásara og innréttingu.
Baðhandklæði fylgja leigu, eitt stórt og eitt lítið fyrir hvern gest.
Gestir eru þó beðnir um að koma með sín eigin handkæði til sólbaða og til að taka með niður í garðinn og á ströndina.

Verönd

Gengið er út úr stofunni á fallegar svalir með útsýni yfir sundlaugargarðinn.  Þarna er frábær aðstaða fyrir gesti til að borða úti og njóta.

Sundlaugargarðarnir eru þrír

Í sameign Terrazas eru 3 garðar inná milli húsanna í lokuðum og læstum garði sem aðeins gestir hafa aðgang að.
Þar eru 2 stórar sundlaugar, heitur pottur,  barnalaug, vaðlaug, líkamsræktartæki, leiksvæði fyrir börn og sturtur.
Þarna er frábær aðstaða til að sóla sig og njóta.  Garðarnir eru einstaklega fallegir og mjög fjölskylduvænir.

Aðrar eignir stutt frá

Við erum einnig með fleiri íbúðir í Terrazas kjarnanum til leigu, frábær kostur ef nokkrar fjölskyldur eru að ferðast saman.
Einnig erum við með Einbýlishús og raðhús í ca. 5 mín göngufæri frá Terrazas.

Cabo Roig

Cabo Roig

Svæðið skiptist í tvö hverfi Cabo Roig og Lomas de Cabo Roig.

Cabo Roig hverfið er fyrir neðan hraðbrautina og er mjög vinsælt hverfi þar sem allt er til alls, þar er hin vinsæla göngugata sem stundum er kölluð „The Golden Mile“ og þar er alltaf mikið mannlíf og gaman að rölta um. Mikið úrval veitingastaða og ekki má gleyma öllum Kínabúðunum þar sem allt fæst fyrir ekki neitt, síðan er ströndin þarna rétt fyrir neðan og hægt að rölta þangað.  Í hverfinu er matvöruverslunin Consum, heilsugæsla, markaður á fimmtudögum og fjöldin allur af veitingastöðum.

Lomas de Cabo Roig hverfið er aðeins fyrir ofan Cabo Roig, í hverfinu eru veitingastaðir, bensínstöð, kínabúð, hárgreiðslustofa og kaffihús.

Frábærir golfvellir eru mjög stutt frá, Las Ramblas, Villamartin, Campoamor og Las Colinas svo einhverjir séu nefndir.

https://www.youtube.com/watch?v=QyptMpnPNvM


Nánar..