Nánari lýsing

Íbúðin er á 3. hæð (næst efsta) og er á suðvestur horni hússins í glænýjum íbúðarkjarna Valentino Golf í Villamartin hverfinu og er mjög vel búin.  Fallegur garður eru inná milli húsana með 3 sundlaugum, tennisvelli og fl. sem gestir hafa aðgang að.  Hverfið er mjög rólegt og gott, Villamartin Plaza torgið er í ca. 10 mín göngufjarlægð frá húsinu og þar eru frábærir veitingastaðir, barir, matvörubúð, kínabúð, apótek og fleira.  Við hliðina á Villamartin Plaza er síðan klúbbhúsið fyrir Villamartin golfvöllinn svo þessi eign er tilvalin fyrir golfarana.   Einnig eru margir aðrir golfvellir stutt frá hverfinu eins og Campoamor, Las Colinas og Las Ramblas.

Eldhús, stofa og borðstofa

Í stofunni er góður sófi sem einnig er svefnsófi, 55″ snjallsjónvarp, WiFi, loftkæling og fallegt borðstofuborð með stólum. Frá stofunni er gengið út á góðar svalir sem eru opnar á tvo vegu svo sólin er þar frá morgni til kvölds, á svölunum er sófi, borð og tveir stólar. Einnig eru 30fm einka þaksvalir með íbúðinni með stækkanlegu borði, 6 stólum, sólbekkjum og flottu útsýni yfir svæðið.
Eldhúsið er bjart og vel búið með uppþvottavél, þvottavél, örbylgjuofni, Dolce Gusto kaffivél, brauðrist, hraðsuðukatli, samlokugrilli og öllum helstu áhöldum til matargerðar.

Svefnherbergin eru tvö

Íbúðin er með tveimur svefnherbergjum og einnig er svefnsófi í stofunni,  gistirými er því fyrir 4-6 gesti og einnig er barnaferðarúm.
Hjónherbergið er með 160 x 200 hjónarúmi og góðum fataskápum, innaf hjónaherberginu er rúmgott baðherbergi með sturtuklefa. Frá hjónaherbergi er einnig hægt að ganga út á svalirnar.  Gestaherbergið er með tveimur 90cm einstaklingsrúmum sem einnig má renna saman í eitt rúm og góðum fataskápum. Bæði svefnherbergin eru með loftkælingu og nýjum rúmum.
Sængur eru í íbúðinni sem gott er að nota á vorin og haustin.

Baðherbergin eru tvö

Tvö fallegt baðherbergi eru í íbúðinni, annað er innaf hjónaherbergi. Þau eru bæði rúmgóð með salerni, vaski, sturtu, hárblásara og innréttingu.
Baðhandklæði fylgja leigu fyrir hvern gest.  Gestir eru þó beðnir um að koma með sín eigin handkæði til sólbaða og til að taka með niður í garðinn og á ströndina.

Svalir og þaksvalir

Gengið er út úr stofunni á fallegar svalir sem snúa í suðvestur og með útsýni yfir garðinn og sundlaugin er í kallfæri.

Sundlaugargarður og tennisvöllur

Í sameign Valentino Golf eru 3 sundlaugar og tennisvöllur, garðurinn er inná milli húsanna í lokuðum og læstum garði sem aðeins gestir hafa aðgang að.  Þarna er frábær aðstaða til að sóla sig og njóta.  Garðarnir eru einstaklega fallegir og mjög fjölskylduvænir.

Villamartin

Villamartin

Gróinn bæjarhluti þar sem stutt er í alla helstu þjónustu. Steinsnar á ströndina.

Við Villamartin eru fjórir 18 holu golfvellir og fullt af frábærum veitingastöðum.

Stutt í nýju og glæsilegu verslunarmiðstöðin La Zenia Boulevard.


Nánar..