Nánari lýsing

Stofa, borðstofa og eldhús

Á fyrstu hæð er rúmgóð stofa ásamt borðstofu – loftkæling er í stofu og eldhúsi.
Út frá stofunni er hægt að ganga beint út á lokaða verönd fyrir framan húsið, þar eru 4 sólbekkir, borð, stólar, sólhlíf og gasgrill.

Rúmgott eldhús er á 1. hæð, bjart og vel búið með stórum ísskáp, frystihólfi, uppþvottavél og þvottavél.  Borðbúnaður er fyrir 8 manns og einnig er matarstóll fyrir barn.

Svefnherbergin eru þrjú

Herbergi á fyrstu hæð er með tveimur einstaklingsrúmum og snagar eru á vegg.
Herbergi nr. 2 er á annarri hæð, með hjónarúmi, skápum og útgengi á stórar svalir.
Herbergi nr. 3 er á annarri hæð, með tveimur einstaklingsrúmum, skápum og útgengi á litlar svalir.

Öll svefnherbergi eru með loftkælingu.  Sængur, koddar og rúmföt fylgja og einnig er gott barnaferðarúm með sæng og kodda fyrir ungabarnið.

Baðherbergin eru tvö

Á 1. hæð er baðherbergi með WC, vaski, sturtu og litilli innréttingu.
Á 2. hæð er gott baðherbergi með WC, vaski, lítilli innréttingu og baðkari með sturtuaðstöðu.

Baðhandklæði fyrir hvern gest þ.e.a.s. eitt stórt og eitt lítið fylgja hverri leigu en gestir eru þó beðnir að koma með sín eigin handklæði til sólbaða og til að taka með niður á strönd.

Svalir, garður og sameiginleg sundlaug

Á annarri hæð eru tvennar svalir út frá svefnherbergjum.
Á þriðju hæð hússins eru mjög stórar svalir með útsýni til sjávar og yfir hverfið.

Út frá bakgarðinum er síðan hlið til að fara yfir í stóra sameiginlega sundlaugargarðinn, þar er stór sundlaug með barnalaug, sturtur og gott pláss fyrir sólbekki.