Nánari lýsing

Íbúðin er á jarðhæð í Green Hills með rúmgóðri verönd og aðgengi að fallegum sameiginlegum garði með frábærri aðstöðu, í garðinum er upphituð inni sundlaug, úti sundlaug, sauna og líkamsræktarsalur.  Íbúðin er mjög vel skipulögð og vel búin, WiFi, loftkæling, góð rúm og allt til alls.  Stór flísalögð verönd sem er alveg lokuð með skjólveggjum er út frá stofunni með borði, stólum og sófasetti.  Matvöruverslanir og veitingastaðir eru í göngufæri og stutt að skreppa á ströndina, á laugardagsmarkaðinn, Villamartin Plaza, nokkra flotta golfvelli, La Zenia verslunarmiðstöðina og niður á göngugötuna í Cabo Roig.

Eldhús, stofa og borðstofa

Falleg björt stofa sem einnig er borðstofa og opið er inní eldhúsið.  Í stofunni er góður sófi og snjallsjónvarp svo gestir geta td. skráð sig inná sitt NETFLIX.  Frá stofu er rennihurð út á stóra verönd með borði, stólum, sófasetti og góðri aðstöðu til að njóta blíðunnar.  Eldhúsið er bjart og vel búið með ísskáp, uppþvottavél, Dolce Gusto kaffivél, brauðrist, hraðsuðukatli og helstu áhöldum til matargerðar.

Svefnherbergin eru tvö

Hjónaherbergi er með hjónarúmi og góðum fataskápum og innangengt inná sér baðherbergi með sturtu.
Gestaherbergi er með tveimur einstaklingsrúmum og fataskáp.
Bæði svefnherbergin eru með loftkælingu og nýjum rúmum með vönduðum dýnum.
Sængur eru í íbúðinni sem gott er að nota á vorin og yfir vetrartímann.

Baðherbergin eru tvö

Baðherbergi er innaf hjónaherbergi með salerni, vaski, góðri sturtu og innréttingu með skúffum.
Hitt baðherbergið er með salerni, vask, góðri sturtu, innréttingu og þvottavél.
Baðhandklæði fylgja leigu fyrir gesti og einnig er hárblásari.
Gestir eru þó beðnir um að koma með sín eigin handkæði til sólbaða og til að taka með á ströndina.

Verönd – Sundlaugargarður með upphitaðri inni sundlaug, úti sundlaug, sauna og líkamsræktarsal

Frá stofu og hjónaherbergi eru rennihurðar sem opna út á stóra flísalagða verönd sem snýr í norður og er alveg lokuð af með skjólveggjum, einnig er búið að sestja glerlokun sem stækkar stofuna gríðarlega mikið, þar eru borð, stólar og sófasett.  Þarna er frábær aðstaða fyrir gesti til að borða úti og njóta blíðunnar. Einnig fylgja íbúðinni fjórir léttir sólstólar sem auðvelt er að kippa með sér út að sundlauginni.
Í sameign er æðislegur sundlaugargarður með upphitaðri inni sundlaug með nuddstútum, úti sundlaug, sturtum, sauna og líkamsræktarsal, garðurinn er í lokuðum og læstum garði sem aðeins gestir hafa aðgang að.  Þarna er frábær aðstaða til að sóla sig og slaka á eða skella sér í ræktina og njóta veðurblíðunnar á Spáni.  Garðurinn er einstaklega fallegur og mjög fjölskylduvænn.

Aðrar eignir stutt frá

Við erum með aðrar íbúðir í Green Hills, Villamartin Gardens og Mirador de Villamartin sem eru við sömu götu og stutt að labba á milli.  Frábær kostur ef nokkrar fjölskyldur eru að ferðast saman.

Villamartin

Villamartin

Gróinn bæjarhluti þar sem stutt er í alla helstu þjónustu. Steinsnar á ströndina.

Við Villamartin eru fjórir 18 holu golfvellir og fullt af frábærum veitingastöðum.

Stutt í nýju og glæsilegu verslunarmiðstöðin La Zenia Boulevard.


Nánar..