Nánari lýsing

Stofa, borðstofa og eldhús

Á jarðhæð er björt og falleg stofa ásamt borðstofu, eldhúsið er rúmgott og þar er stór ísskápur með frysti, kaffivél, ristavél, örbylgjuofn og öll helstu áhöld til matargerðar. Borðbúnaður er fyrir 8 manns og matarstóll fyrir barn. Í stofunni er góður svefnsófi frá IKEA þar sem er svefnpláss fyrir tvo, loftkæling er í stofunni og vifta í loftinu.
Út frá stofunni er hægt að ganga beint út á veröndina fyrir framan húsið,  þar eru falleg útihúsgögn, fjórir sólbekkir og alveg yndislegt að sitja úti og njóta blíðunnar á Spáni.  WiFi internet er í húsinu.  Húsið hefur allt verið tekið í gegn og málað að innan og utan og allur húsbúnaður yfirfarinn.

Svefnherbergin eru tvö

Á annari hæð eru tvö svefnherbergi, annað með hjónarúmi og í hinu eru tvö einstaklingsrúm. Út frá hjónaherbergi er hægt að ganga út á svalir.  Svefnherbergin eru með loftkælingu og viftum.  Sumarsængur, koddar og rúmföt fylgja og einnig er gott barnaferðarúm fyrir ungabarn.

Baðherbergin eru tvö

Á jarðhæð er baðherbergi með salerni og vaski, hárblásari er í húsinu.
Á annari hæð er gott baðherbergi með salerni, vaski, baðkari með sturtuaðstöðu og lítilli innréttingu.
Baðhandklæði fyrir gesti fylgja með leigunni þ.e.a.s. eitt stórt og eitt lítið pr. rúmstæði.

Svalir, sundlaugargarður og hverfið

Á annari hæð eru góðar svalir út frá hjónaherberginu með útsýni yfir sundlaugargarðinn.
Mjög fallegur sameiginlegur sundlaugargarður fylgir húsinu, hann er alveg lokaður af og þar inn fara aðeins húseigendur og gestir þeirra, þar er stór og góð sundlaug, sturtur og frábær aðstaða til að slaka á við laugina.
Húsið er í TORRETA III hverfinu í Torrevieja og er mjög vel staðsett, ekki er nauðsynlegt að hafa bílaleigubíl. Verslanir og veitingastaðir eru í göngufæri við húsið.  Habaneras verslunarmiðstöðin og stóra Carrefour búðin eru í ca. 10-15 mín göngufjarlægð frá húsinu. Í miðbæ Torrevieja er skemmtilegt tívolí og sölubásar með allskonar varning,  einnig er stór markaður á föstudögum. Í Torrevieja er frábært mannlíf í miðbænum og við ströndina alla daga, þar er einnig vatnagarðurinn Aquapolis.
Við erum með tvö raðhús í þessum garði og hentar því mjög vel fyrir 2 fjölskyldur sem vilja vera á sama svæði, einnig erum við með húsið Vinaminni sem er mjög stutt frá og hentar einnig vel að taka Macarena húsin og Vinaminni saman fyrir fjölskyldur eða vinahópa sem vilja vera í sama hverfi með göngufæri á milli.

Torrevieja

Torrevieja

Strandbærinn Torrevieja er á hinni frægu Costa Blanca strönd með ca. 100 þúsund íbúa en yfir mesta ferðmannatímabilið eykst sú tala til muna.

Eitt af helstu einkennum svæðisins eru saltvötnin en þau eru hluti af friðuðum þjóðgarði þar sem margt er að skoða. Loftslagið á svæðinu hefur sökum tilvist saltvatnanna þótt eitt það heilnæmasta í Evrópu.

Hvað varðar afþreyingu í Torrevieja þá er af nægu að taka og ber þar helst að nefna, Aqapolis vatnsrennibrautagarðinn, Go Cart braut, Tivoli, smábátahöfn og ógrynni veitingastöðum og kaffihúsum víðs vegar um bæinn og við strandgötuna. Habaneras verslunarmiðstöðin er vinsæl með aragrúa af þekktum verslanakeðjum.

 


Nánar..