Nánari lýsing

Glæný íbúð á jarðhæð beint á móti sundlaugargarðinum – líkamsrækt, innisundlaug og sauna í sameign.

Við erum með tvær íbúðir í þessum fallega kjarna, tilvalið fyrir hópa eða stærri fjölskyldur sem eru að ferðast saman.
Íbúð 14 er á jarðhæð í Recidencial Muna SPA resort kjarnanum í Los Dolses hverfinu með aðgengi að fallegum sameiginlegum garði með tveimur sundlaugum, líkamræktarsal, sauna og innisundlaug.  Íbúðin er mjög vel skipulögð og vel búin, háhraða WiFi, loftkæling, góð rúm og allt til alls.  Stór flísalögð verönd er út frá stofunni og þaðan er hægt að ganga beint niður í sundlaugargarðinn.  Matvöruverslanir og veitingastaðir eru í göngufæri og stutt að skreppa á ströndina, á markaði, Villamartin Plaza, flotta golfvelli, La Zenia verslunarmiðstöðina og niður á göngugötuna í Cabo Roig.

Eldhús, stofa og borðstofa

Falleg björt stofa sem einnig er borðstofa og opið er inní eldhúsið.  Í stofunni er góður sófi sem einnig er svefnsófi og snjallsjónvarp með yfir 130 sjónvarpsstöðvum og einnig geta gestir t.d. skráð sig inná sitt NETFLIX.  Mjög góð internet tenging er í íbúðinni með um 100mb hraða pr. sek.  Frá stofu er rennihurð út á veröndina sem er mjög stór og með borði, stólum, sófum, sólbekkjum og góðri aðstöðu til að njóta blíðunnar.
Eldhúsið er bjart og vel búið með ísskáp, uppþvottavél, kaffivél, brauðrist, blandara, samlokugrilli, hrærivél,  hraðsuðukatli og helstu áhöldum til matargerðar.

Svefnherbergin eru tvö

Íbúðin er með tveimur rúmgóðum svefnherbergjum og einnig er barnaferðarúm.
Hjónaherbergið er með hjónarúmi, góðum fataskápum og innangengt er inná baðherbergi með sturtu.
Gestaherbergi er með tveimur einstaklingsrúmum og góðum fataskápum.  Bæði svefnherbergin eru með loftkælingu og nýjum rúmum með vönduðum dýnum.  Sængur eru í íbúðinni sem gott er að nota á vorin og yfir vetrartímann.

Baðherbergin eru tvö

Innaf hjónaherbergi er baðherbergi með salerni, vaski, góðri sturtu og innréttingu með skúffum.
Hitt baðherbergið er á gangi þegar komið er inn í íbúðina, þar er salerni, vaskur, góð sturta og innrétting með skúffum.
Baðhandklæði fylgja hverri leigu, eitt stórt og eitt lítið fyrir hvern gest og einnig er hárblásari.
Gestir eru þó beðnir um að koma með sín eigin handkæði til sólbaða og til að taka með á ströndina.

Verönd og sundlaugargarður með tveimur sundlaugum

Frá stofu eru rennihurðar sem opna út á flísalagða verönd, þar eru sólbekkir, borð, stólar, Weber gasgrill og sófasett.  Þarna er frábær aðstaða fyrir gesti til að borða úti og njóta blíðunnar.  Veröndin snýr í suðurátt og því ekki þörf á að fara út fyrir svalirnar til þess að njóta sólarinnar.
Í sameign er sundlaugargarður með tveimur sundlaugum í lokuðum og læstum garði sem aðeins gestir hafa aðgang að, þar eru sundlaugar og sturtur.  Þarna er góð aðstaða til að sóla sig og njóta veðurblíðunnar á Spáni. Einnig er frábær líkamsræktaraðstaða í sameigninni með sauna, innisundlaug og sturtum. Garðurinn er einstaklega fallegur og mjög fjölskylduvænn.

Los Dolses hverfið og aðrar eignir stutt frá

Los Dolses er vel staðsett á Orihuela Costa svæðinu og má segja að hverfið sé mitt á milli golfvallanna og baðstrandana á svæðinu.  Einnig eru ekki nema ca. 5 mín niður að La Zenia verslunarmiðstöðinni.
Við erum einnig með aðra íbúð í El Muna kjarnanum svo það er tilvalið fyrir 2 fjölskyldur eða stærri hópa að bóka íbúðirnar saman. Einnig erum við með íbúðir stutt frá í Villamartin Gardens, Mirador og Green Hills og er stutt að labba á milli þeirra.  Frábær kostur ef nokkrar fjölskyldur eru að ferðast saman.

Los Dolses

Los Dolses hverfið er mitt á milli frábærra golfvalla á svæðinu og strandana við Orihuela Costa.

Hverfið er ekki nema 5 mín frá Villamartin og Las Ramlas  golfvellöllunum og einnig 5 mín frá La Zenia verslunarmiðstöðinni.


Nánar..