Nánari lýsing

Glæsileg 60fm íbúð á jarðhæð í nýjum íbúðakjarna í Las Mimosas hverfinu á Orihuela Costa.  Íbúðin er með góðri verönd að framan og aftan og aðgang að sundlaug beint fyrir framan íbúðina, leiksvæði og merktu bílastæði innan svæðis. Íbúðin er vel staðsett, örstutt í La Zenia Boulevard verslunarkjarnann, lítil matvöruverslun er í göngufæri við íbúðina ásamt nokkrum veitingastöðum. Laugardagsmarkaðurinn er í ca. 15 mín göngufæri og örstutt á Villamartin, Campomar og Las Ramblas golfvellina og reyndar fleiri golfvelli, ca. 10 mín. akstur  er á góðar strendur. 

Eldhús, stofa og borðstofa

Gengið er beint inn í opið rými með fallegri stofu sem einnig er borðstofa og opið inní eldhúsið.  Í stofunni er góður sófi sem einnig er svefnsófi, Smart TV og loftkæling.
Eldhúsið er vel búið með ísskáp með frystihólfi, uppþvottavél, kaffivél, brauðrist, hraðsuðuketill og öll helstu áhöld til matargerðar.

Svefnherbergin eru tvö

Húsið er með tveimur svefnherbergjum og einnig er svefnsófi í stofunni,  gistirými er því fyrir 4-5 gesti.
Hjónherbergið er með hjónarúmi, góðum fataskápum og loftkælingu.
Gestaherbergið er tveimur einstaklingsrúmum, góðum fataskáp og loftkælingu.
Bæði svefnherbergin eru með nýjum rúmum, sængur, koddar og rúmföt fylgja fyrir gesti.

Baðherbergin eru tvö

Tvö rúmgóð baðherbergi eru í íbúðinni með salerni, vaski, góðri sturtu og innréttingum.
Baðhandklæði fylgja leigu fyrir gesti og einnig er hárblásari í húsinu.
Gestir eru þó beðnir um að koma með sín eigin handkæði til sólbaða og til að taka með á ströndina.

Verönd, garður og sundlaugargarður með leiktækjum fyrir börnin

Fyrir framan og aftan íbúðina eru rúmgóðar flísalagðar verandir með húsögnum, gasgrilli og sófasetti. Þarna er frábær aðstaða fyrir gesti til að borða úti og njóta blíðunnar.

 

Playa Flamenca

Playa Flamenca

Gróið íbúðahverfi þar stutt er í alla helstu þjónustu. Steinsnar á ströndina.

Laugardagsmarkaðurinn vinsæli er í Playa Flamenca hverfinu.

Göngufæri í nýju og glæsilegu verslunarmiðstöðin La Zenia Boulevard.

 


Nánar..