Nánari lýsing

Eldhús og stofa

Á fyrstu hæð er góð stofa ásamt borðstofu, þar er sjónvarp, DVD spilari og útvarp með CD spilara.
Góður svefnsófi er í stofunni og þaðan er hægt að ganga beint út á flísalagða verönd við húsið, þar eru sólbekkir, borð og stólar.

Rúmgott eldhús er á 1. hæð, bjart og vel búið með ísskáp og frystihólfi, þvottavél, kaffivél, brauðrist, hraðsuðuketill, örbylgjuofn og öll helstu áhöld til matargerðar.
Borðbúnaður er fyrir 8 manns og einnig er matarstóll fyrir ungabarn.
Út úr eldhúsi er hægt að ganga út í bakgarðinn við húsið, þar er góð aðstaða til að borða úti og þar er kolagrill.

Svefnherbergin eru þrjú

Herbergi nr. 1 er á 2. hæð með hjónarúmi, loftkælingu og góðum skápum með skúffum.
Herbergi nr. 2 er á 2. hæð með tveimur einstaklingsrúmum, loftkælingu og góðum skápum með skúffum.
Herbergi nr. 3 er á 1. hæð með einstaklingsrúmi og loftkælingu.
Sængur, koddar og rúmföt fylgja og einnig er gott barnaferðarúm.

Baðherbergin eru tvö

Á 1. hæð er lítið baðherbergi með salerni, vaski, og lítilli innréttingu.
Á 2. hæð er gott baðherbergi með salerni, vaski, baðkari með sturtu, lítilli innréttingu og hillum.
Baðhandklæði fylgja húsinu en gestir eru beðnir að koma með sín eigin handklæði til sólbaða og til að taka með á ströndina.

Svalir og sameiginlegur sundlaugargarður

Á þriðju hæð hússins er mjög stórt sólar Terrace með útsýni til sjávar.

Stór sameignilegur sundlaugargarður er inná milli húsanna, þar er sundlaug með barnalaug og sturtur og þangað er hægt að fara með sólbekki og slaka á við sundlaugina.

Í húsinu eru bækur, spil, leikföng, barnaleikföng fyrir strandferðirnar og barnakerra sem gestir geta notað í fríinu.

 

Lomas de Cabo Roig

Lomas de Cabo Roig hverfið er aðeins fyrir ofan Cabo Roig, í hverfinu eru veitingastaðir, bensínstöð, kínabúð, hárgreiðslustofa og kaffihús.

Cabo Roig hverfið er fyrir neðan hraðbrautina og er mjög vinsælt hverfi þar sem allt er til alls, þar er hin vinsæla göngugata sem stundum er kölluð „The Golden Mile“ og þar er alltaf mikið mannlíf og gaman að rölta um. Mikið úrval veitingastaða og ekki má gleyma öllum Kínabúðunum þar sem allt fæst fyrir ekki neitt, síðan er ströndin þarna rétt fyrir neðan og hægt að rölta þangað.  Í hverfinu er matvöruverslunin Consum, heilsugæsla, markaður á fimmtudögum og fjöldin allur af veitingastöðum.

Frábærir golfvellir eru mjög stutt frá, Las Ramblas, Villamartin, Campoamor og Las Colinas svo einhverjir séu nefndir.

https://www.youtube.com/watch?v=QyptMpnPNvM


Nánar..