Nánari lýsing

Terrazas íbúðin er á jarðhæð í glænýjum íbúðarkjarna í Lomas de Cabo Roig hverfinu og er mjög vel búin, WiFi, gasgrill, loftkæling og allt til alls.  Rúmgóðar verandir eru fyrir framan og aftan íbúðina.  3 fallegir sundlaugargarðar eru inná milli húsana og hafa gestir aðgang að þeim öllum, hverfið er mjög rólegt og gott.  Veitingastaðir eru í göngufæri og stutt að skreppa á ströndina, á fimmtudagsmarkaðinn, í La Zenia mallið og niður á göngugötuna í Cabo Roig.

Eldhús, stofa og borðstofa

Fyrir aftan húsið er flísalögð verönd og þaðan er gengið beint inn í opið rými með fallegri stofu sem einnig er borðstofa og opið er inní eldhúsið.  Loftkæling er í stofunni.
Eldhúsið er bjart og vel búið með ísskáp og frystihólfi og þaðan er síðan þvottahús/geymsla. Í eldhúsinu er uppþvottavél, kaffivél, brauðrist, hraðsuðuketill og öll helstu áhöld til matargerðar.

Svefnherbergin eru tvö

Húsið er með tveimur svefnherbergjum og einnig er svefnsófi í stofunni,  gistirými er því fyrir 5-7 manns og einnig er barnaferðarúm.

Hjónherbergið er með hjónarúmi og góðum fataskápum og innangent er inná baðherbergi sem er með sturtu.
Gestaherbergið er með nýrri koju sem er með 140cm dýnu niðri og 90cm dýnu uppi, litlu skrifborði og góðum fataskáp.
Bæði svefnherbergin eru með loftkælingu og nýjum rúmum. Sængur, koddar og rúmföt fylgja.

Baðherbergin eru tvö

Baðherbergi með salerni, vaski, sturtu og innréttingu er innaf hjónaherbergi.
Hitt baðherbergið er einnig með salerni, vaski, sturtu og innréttingu.
Baðhandklæði fylgja hverri leigu, eitt stórt og eitt lítið fyrir hvern gest og einnig er hárblásari í húsinu.

Gestir eru þó beðnir um að koma með sín eigin handkæði til sólbaða og til að taka með á ströndina.

Verönd

Gengið er út úr stofunni á rúmgóða 39fm flísalagða verönd sem snýr að sundlaugargarðinum og þar eru 4 sólbekkir, útihúsgögn og gasgrill.
Einnig er flísalögð 24fm verönd fyrir aftan húsið og þar er hægt að njóta kvöldsólarinnar.
Þarna er frábær aðstaða fyrir gesti til að borða úti og njóta.

Sundlaugargarðarnir eru þrír

Í sameign Terrazas eru 3 sundlaugargarðar inná milli húsanna í lokuðum og læstum garði sem aðeins gestir hafa aðgang að. Þar eru 2 stórar sundlaugar,  barnalaug, vaðlaug, líkamsræktartæki, leiksvæði fyrir börn og sturtur. Þarna er frábær aðstaða til að sóla sig og njóta.  Garðarnir eru einstaklega fallegir og mjög fjölskylduvænir.

Aðrar eignir stutt frá

Við erum einnig með fleiri íbúðir í Terrazas kjarnanum til leigu, frábær kostur ef nokkrar fjölskyldur eru að ferðast saman.
Einnig erum við með Einbýlishús og raðhús í ca. 5 mín göngufæri frá Terrazas.