Valentino Golf III nr. 1

ATH – myndir eru af sýningaríbúð – nýjar myndir koma inn mánmótin apríl/maí.
Glæsileg íbúð á jarðhæð með einkasundlaug í garðinum samhliða þvi að vera með aðgang að sameiginlegri sundlaug fyrir kjarnann.  Komið inn í opið alrými þar sem er L-laga eldhúsinnnrétting með öllu helstu raftækjum en opið frá eldhúsi yfir í stofuna.þar sem útgegnt er út á flísalagða verönd og lóðina sem er með gervigrasi ásamt einkasundlaug.
Í þessum kjarna erum við með þrjár íbúðir, tvær á jarðhæð sem báðar hafa einkasundlaug og hægt að ganga á milli garðana ef gestir vilja. Þriðja íbúðin er síðan á efstu hæð í sömu blokk. Frábær valkostur er stórfjölskyldan eða vinahópurinn er að ferðast saman.

Svefnherbergin eru tvö

Íbúðin er með tveimur svefnherbergjum og einnig er svefnsófi í stofunni,  gistirými er því fyrir 4-6 gesti.
Hjónherbergið er með hjónarúmi og góðum fataskápum, innaf hjónaherberginu er rúmgott baðherbergi með sturtu og hægt að ganga beint út í garðinn.  Gestaherbergið er með tveimur  einstaklingsrúmum og góðum fataskápum.  Bæði svefnherbergin eru með loftkælingu, sængur eru í íbúðinni sem gott er að nota á vorin og haustin.

Baðherbergin eru tvö

Tvö falleg baðherbergi eru í íbúðinni, annað er innaf hjónaherbergi. Þau eru bæði rúmgóð með salerni, vaski, sturtu og innréttingu.  Baðhandklæði fylgja leigu fyrir gesti.  Gestir eru þó beðnir um að koma með sín eigin handkæði til sólbaða og til að taka með niður í garðinn og á ströndina.

Hverfið

Frá íbúðunum er um 15 min rölt í þjónustukjarnann Villa Martin Plaza þar sem finna má úrval veitingastaða, matvörubúð, barir, apótek og margt fleirra. Um 10 min akstur niður í verslunarmiðstöðina Zenia Boulevard og um 15 min akstur niður á strendur miðjarðarhafsins. Aðeins um 5 min keyrsla á 3 golfvelli – Villa Martin – Las Ramblas og Campoamor – en úrval annarra golfvalla í um 20 min akstri.