Nánari lýsing

Stofa og eldhús

Eldhúsið er með ísskáp með frysti, þvottavél, kaffivél, ristavél, örbylgjuofni og öll helstu áhöld til matargerðar eru til staðar.  Út frá eldhúsinu er hægt að ganga uppá rúmgóðar þaksvalir sem eru yfir íbúðinni,  þar eru falleg útihúsgögn, sóltjald, gasgrilll, sólbekkir og alveg yndislegt að sitja úti og njóta blíðunnar á Spáni.  Borðbúnaður er fyrir 8 manns og matarstóll fyrir barn.  Í stofunni er góður svefnsófi þar sem er svefnpláss fyrir tvo,  loftkæling er í stofunni og einnig vifta í loftinu.

Svefnherbergin eru tvö

Annað með hjónarúmi og í hinu eru tvö einstaklingsrúm, í báðum svefnherbergjum eru viftur í lofti.  Sumarsængur, koddar og rúmföt fylgja, einnig er gott barnaferðarúm fyrir ungabarn.

Baðherbergi

Baðherbergi með salerni, vaski, baðkari með sturtuaðstöðu og lítilli innréttingu.  Baðhandklæði fyrir gesti fylgja með leigunni þ.e.a.s. eitt stórt og eitt lítið pr. rúmstæði.

Svalir, sundlaugargarður og hverfið

Góðar þaksvalir eru yfir íbúðinni með frábærri aðstöðu til að borða úti og sóla sig. Þar eru borð, stólar, sóltjald sólbekkir og gasgrill.
Mjög fallegur sameiginlegur sundlaugargarður fylgir húsinu, hann er alveg lokaður af og þar inn fara aðeins húseigendur og gestir þeirra, þar er stór og góð sundlaug, sturtur og frábær aðstaða til að slaka á við laugina.
Húsið er í Torrevieja og er mjög vel staðsett, ekki er nauðsynlegt að hafa bílaleigubíl. Verslanir og veitingastaðir eru í göngufæri við húsið.  Habaneras verslunarmiðstöðin og stóra Carrefour búðin eru í ca. 15-20 mín göngufjarlægð frá húsinu. Í miðbæ Torrevieja er skemmtilegt tívolí og sölubásar með allskonar varning,  einnig er stór markaður á föstudögum. Í Torrevieja er frábært mannlíf í miðbænum og við ströndina alla daga, þar er einnig vatnagarðurinn Aquapolis.
Húsið Macarena er mjög stutt frá Vinaminni og hentar vel að taka Macarena og Vinaminni saman fyrir fjölskyldur eða vinahópa sem vilja vera í sama hverfi með göngufæri á milli.

Torrevieja

Torrevieja

Strandbærinn Torrevieja er á hinni frægu Costa Blanca strönd með ca. 100 þúsund íbúa en yfir mesta ferðmannatímabilið eykst sú tala til muna.

Eitt af helstu einkennum svæðisins eru saltvötnin en þau eru hluti af friðuðum þjóðgarði þar sem margt er að skoða. Loftslagið á svæðinu hefur sökum tilvist saltvatnanna þótt eitt það heilnæmasta í Evrópu.

Hvað varðar afþreyingu í Torrevieja þá er af nægu að taka og ber þar helst að nefna, Aqapolis vatnsrennibrautagarðinn, Go Cart braut, Tivoli, smábátahöfn og ógrynni veitingastöðum og kaffihúsum víðs vegar um bæinn og við strandgötuna. Habaneras verslunarmiðstöðin er vinsæl með aragrúa af þekktum verslanakeðjum.

 


Nánar..